Ukrayna Azərbaycanlıları Birləşmiş Diasporunun sədr müavini, Dünya Azərbaycanlıları Beynəlxalq Fondunun (DABF) İdarə Heyətinin üzvü Arzum Məhərrəmovun AYNA-ya müsahibəsini təqdim edirik:

- DABF-in yaradılmasında məqsəd xaricdə yaşayan azərbaycanlılar üçün konkret layihələrin təşkili və həyata keçirilməsində ciddi boşluqları aradan qaldırmaqdır. Azərbaycanın ərazi bütövlüyü tam bərpa edildikdən sonra Ermənistanla münasibətlərin daha da nizamlanması, tezliklə və çoxdan gözlənilən sülhə nail olunması ilə bağlı dövlətimizin ədalətli mövqeyinin çatdırılması mövzusu çox aktuallaşıb.

Kollektiv Qərbin Azərbaycanın ədalətli tələblərinə son reaksiyası və işğalçı ölkə olan Ermənistanın ayrı-ayrı dövlətlərinin açıq havadarlığı Azərbaycan diasporunun fəaliyyətini dünya ictimai rəyi ilə işləmək istiqamətində aktuallaşdırır. DABF öz fəaliyyətində Azərbaycan dövlətinin diaspor siyasətini əsas götürür. Güney Azərbaycanda yaşayan soydaşlarımızın hüquqlarının pozulması vəziyyətini beynəlxalq ictimaiyyətin diqqətinə çatdırmaq üçün də səylərimizi gücləndirmək və birləşdirmək niyyətindəyik.

- Tamamilə doğrudur. DABF regionda yaranan sülh prosesinə və birgə yaşayışa mane olmamaq üçün hər iki ölkənin diaspor təşkilatlarını iki xalq arasında düşmənçiliyi qızışdıran hərəkətlərdən çəkinməyə çağırıb. Hesab edirik ki, xaricdə fəaliyyət göstərən diaspor təşkilatları regionda nifrət və düşmənçiliyi qızışdırmamalı, əksinə, sülhə, dinc yanaşı yaşamaya kömək etməlidir.

DABF müraciətində erməni diasporunun ağıllı nümayəndələrinin Azərbaycana qarşı qeyri-sağlam mübarizədən əl çəkəcəklərinə və Qarabağda yaşayan ermənilərin Azərbaycan cəmiyyətinə reinteqrasiyasına dəstək verəcəyinə ümid etdiyini bildirib. Lakin çağırışımız eşidilməyib. Əksinə, erməni lobbisi Azərbaycana qarşı fəaliyyətini gücləndirdi, bir sıra Avropa strukturlarında və dövlətlərində anti-Azərbaycan qətnamələrinin qəbuluna nail oldu.

Azərbaycana qarşı atılan bu addımlar DABF-in ölkəmizin dünyada ədalətli mövqe tutması istiqamətində fəaliyyətini aktuallaşdırır. Təəssüf ki, uzun onilliklər ərzində Azərbaycanla bağlı qərəzli və birtərəfli məlumatların dünyaya çatdırılması amili bu gün özünü hiss etdirir. Əminəm ki, biz erməni lobbisinin uydurduğu miflərin məhvinə nail olacağıq və Azərbaycanla bağlı həqiqətləri çatdıra biləcəyik. Biz Ermənistanı döyüş meydanında məğlub etdik, hazırda diplomatik müharibə gedir, onu diasporumuzun informasiya komponenti ilə gücləndirmək lazımdır.

- Biz özümüzü Azərbaycanda elan etmək qərarına gəldik ki, insanlar bizi, hədəflərimizi yaxından tanısınlar. Tanınmış şair Nigar Həsənzadə və məşhur futbolçu İqor Ponomarev sıralarımıza qoşuldular. DABF-in qapıları xalqını və vətənini sevən bütün azərbaycanlıların üzünə açıqdır. Biz şadıq ki, tədbirlərimiz böyük maraq doğurur. DABF-i vətənimizin rifahı naminə çoxlu işlər gözləyir.