“Qafqazinfo” xəbər verir ki, bayram tədbirində çıxış edən Ukrayna Ali Radası sədrini müşaviri, Dünya Azərbaycanlıları Beynəlxalq Fondunun Baş katibi Hikmət Cavadov bildirib ki, tədbirin məqsədi bir ildən çoxdur qaçqın həyatı yaşayan ukraynalı fidanlara müharibənin ağrı-acısını bir an da olsun unutdurmaq, onların həyata baxışlarında dəyişiklik yaratmaqdır:

“Təəssüf ki, bu gün dünyada müdafiəyə ən çox ehtiyacı olan ukraynalı uşaqlardır. Dünya Azərbaycanlıları Beynəlxalq Fondu olaraq Ukraynadakı prosesləri daimi diqqətə saxlayacağıq”.

Ukraynanın Azərbaycandakı səfiri Vladislav Kanevski qeyd edib ki, dost Azərbaycanda qonaqpərvərliklə qarşılanan ukraynalı uşaqların üzündə yenidən sevinc yaranıb.

Tədbirdə Milli Məclisin deputatı, Azərbaycan-Ukrayna parlamentlərarası əməkdaşlıq üzrə işçi qrupun rəhbəri Kamran Bayramov, millət vəkili, Azərbaycan-Ukrayna parlamentlərarası əməkdaşlıq üzrə işçi qrupun üzvü Məzahir Əfəndiyev də iştirak edib. Uşaqları bayram münasibətilə təbrik edən deputatlar onların sülh şəraitindən yaşamasının zəruri olduğunu qeyd ediblər.

Tədbirdə Azərbaycanın incəsənət xadimləri çıxış edib, ukraynalı uşaqlar Azərbaycan mətbəxindən müxtəliv növ təamlara qonaq ediliblər. Sonda Fond tərəfindən 50-dən çox ukraynalı uşağa bayram hədiyyələri təqdim olunub.

<iframe width="560" height="315" src="//ok.ru/videoembed/5534595549802" frameborder="0" allow="autoplay" allowfullscreen></iframe>