Bu barədə açıqlamanı Xəzərnews.az-a Dünya Azərbaycanlılarının Beynəlxalq Fondunda (DABF) təmsil olunan “Qala” Yunanıstan-Azərbaycan Dostluq Cəmiyyətinin sədri Rəşid Məmmədov verib.
R.Məmmədov indiki zamanda DABF-ın fəaliyyətini çox yüksək dəyərləndirdiyini vurğulayıb:
“Fondun təsisçilərinə təşəkkür edirəm. Fond Azərbaycan naminə uğurlu layihələrə start verir. İlk növbədə onlarla diaspor təşkilatını bir araya gətirib. Fond həm də birləşdirici, barışdırıcı mövqedən çıxış edir. Başlanığc üçün bunun özü böyük bir uğurdur”.
R.Məmmədov qeyd edib ki, Fond ilk növbədə yerli icmalarda azərbaycançılığı, adət-ənənələri və Vətənə bağlılığı təbliğ etməlidir:
“Eyni zamanda gələcəkdə kadr hazırlığı məsələsində də Fond Azərbaycan cəmiyyəti üçün faydalı ola bilər. İlk növbədə istedadlı gənclərin Avropada ixtisasartırma kurslarına cəlb edilməsinə dəstək göstərə bilər. Bunun üçün Fondun maliyyə dayanıqlığı yetərli olmalıdır. Bu işdə Fondda təmsil olunan diaspor təşkilatları və iş adamları fəal rol oynamalıdırlar”.
Şərhlər